الموسم الأول مكرّس لفترة الحرب اللبنانية من ال١٩٧٥ لل١٩٩٠، مع ١٢ حلقة مأخودين من أكثر من ٤٠٠  ساعة من المقابلات المسجّلة مع أكثر من ٦٥ شخص. اخترنا وجمّعنا بعناية قصص وذكريات حول مواضيع مختلفة، مثل كيف كانت الحياة اليومية خلال الحرب، وكيف كانو الناس عم يستوعبوا عبثيّة الحرب، وكيف تعاملوا مع الخسارة والمعاناة، وشو الّلي حفّز الناس تينضمّوا للمعركة. بيمثلوا رواة المقابلات مزيج غني من المواصفات والتجارب، بما فيه الجغرافيا والجنس والخلفية الاجتماعية والظروف.